Rename:-
kai baar log video banate hai aur uss video file ka jo name rehta hai usey bina change kiye hi youtube par upload kar dete hai jo ki unki pehli aur badi mistake hoti hai iske wajah se bhi aapke video par jyada views nahi mil pate. Humesha video banane ke baad usey rename jarur kare. Yaad rahe rename mein wahi keyword enter kare jispe aap focus karna chahte ho aur rename karne ke baad hi usey upload kare.Video rename karne ke liye bas aapko uska name edit karna hota hai
Choose a Suitable Title:
Humesha aisa title chune apne video ke liye jo search engine par mostly search hota ho, aisa nahi ki aapka video kisi aur topic par ho aur aap title kisi aur topic ka set karo. Example ke liye manlo aapne koi video banayi “Increase youtube Views” lekin aapne uss video ka title kuch aisa daal diya jo video se bilkul bhi match nahi karta tab aapka video spam mana jayega aur aapke account par youtube community strike laga diya jayega isliye humesha honesty dikhaye aur jo hai wahi bataye apne viewers ko.
Galat title set karne se ek aur nuksan hota hai woh yeh ki jab koi aapke video ka title dekhkar aapka video play karega tab usey woh nahi milta jo title mein bataya gaya hai aur aise condition mein woh visitor aapke video ko jarur dislike karega aur jyada dislike badhne ke wajah se koi aapke video ko dekhna pasand nahi karega.
Share on Social Media
Social media se toh aap sabhi log connected honge hi aur aapko yeh bhi pata hoga ki social media kisi ko famous bhi bana sakta hai aur kisi ko bhi looser bhi. So, friends mere kehne ka yeh matlab hai ki aap apne videos ko facebook, twitter,instagram, whatsapp jaise popular platforms par logo ke sath share jarur kijiyeagar unhe aapka video pasand aaya toh woh bhi aapke video ko apne friends ke sath share karenge aur aise hi aapka videojaldi hi viral ho jayega. Facebook mein jyada members wale group ko join kare aurapna video share kare, Whatsapp se aap apne friend ko apne videos ke link send kare, Instagram aur twitter par bhi apne videos ko share kare
Engage With Your Viewers:
Humesha apne viewers ke sath aise baat kare jaise ki aap unke best friend ho aisa main iss liye keh raha hu kyuki jab tak audience ko aapke baat karne ka andaaz pasand nahi aayega tab tak aap unka dil nahi jeet sakte. Jab aap apne viewers ke sath baat karoge tab woh aapko accha feedback denge aur uss feedback ko follow karke aapki video pehle se jyada better hoti jayegi. Apne viewers ke sath engage rehne ka ek aur fayda hota hai ki aapke subscribers bhi badhne lagte hai aur jitne jyada suscribers matlab utne jyada views aur shares.
Reply to Comments:Agar aap apne viewers ke comments ko ignore kar rahe ho toh isse aapke chahne wale kam ho sakte hai jiska anjaam yeh hoga ki aap online jyada popularity nahi collect kar paoge aur aapke youtube views kam hote chale jayenge. Humesha apne viewers ke comments ko padhe aur jo aapke hisab se uska answer hona chahiye woh unhe jarur reply kare. Bahut baar aisa bhi hota hai ki humare viewers humshe koiaisa question puch lete hai jiska answer humare paas nahi hota so aise condition mein aap apne kisi dost se uska answer puch sakte ho ya fir google ki help le sakte ho agar fir bhi aapko answer nahi milta toh unhe sorry ke sath reply karde.
Choose Attractive Thumbnail: Thumbnail ka bahut jyada fayda hota hai views badhane ke liye. Humesha aisa thumbnail chune jise dekhne ke baad koi banda aapka video dekhe bina reh na paye aur yeh baat humesha yaad rakhe ki ek accha thumbnail ek achhe video hone ki nishaani hoti hai. Kuch log video upload karke thumbnail aisa lagate hai jo unke video se bilkul bhi related nahi hota toh aap aisa kabhi na kare kyuki yeh spam videos hote hai aur youtube inko delete bhi kar sakta hai sath hi sath viewers ke taraf se aapko dislikes aur negative comments ke alawa aur kuch nahi milenge. Thumbnail ko attractive banane ke liye aapkisi photo editor software ka use kar sakte ho. Actually humare video ka click through rate humare thumbnail se hi decide hai, example ke liye chahe aapka video search result ke ending mein show ho lekin agar sabhi videos mein aapka thumbnail accha hua toh log aapka video dekhna jyada pasand karengeDescription
Should Contain Keywords: Description mein humesha achhe keywords hi enter kare kyuki description search engine ke sath-sath youtube dwara bhi index kiye jate hai jisse ki unhe yeh pata chal sake ki aapka video kis topic par based hai aur aap logo ko kya dikhana chahte ho. Description bhi aisa banaye jo kisi ko bhi pura padhne ka dil kare.Bahut se log description mein bhi tags usekarte hai jo ki bilkul galat tarika hai views badhane ka. Mujhe abhi bhi yaad hai jab maine apna first video youtube par upload kiya tha uss time mujhe itni knowledge nahi thi aur maine description mein bhi tags use kar diye the jiske wajah se kuch hi din baad mujhe youtube ke taraf se email recieve hua tha jisme yeh likha tha ki desription mein tags use karne ke wajah se aapka video remove kar diya gaya hai, So jaise maine galti ki waise aap na kare aur description mein only acchi information hi likhe.
Always Select Good Tags:Tags bhi bahut madad karte hai youtube views badhane ke liye agar aap bina keywords par focus kiye tags select karte ho toh iska koi fayda nahi hoga isliye best keywords chune tags ke liye aur keywords aapke video se hi related hone chahiye warna youtube community strike aapke account par lag jayega. Kabhi bhi video ko tag se bharne ki koshish na kare only woh tag enter kare jo aapke topic se related ho.
Edit Your Videos:Jab tak aap apne videos ko acche se edit nahi kar dete tab tak aap apne viewers ka dil nahi jeet sakte. Video editing bahut accha tarika hai apne video ko attractive banane ka bahut se log iss point ko ignore kar dete hai jo unki bahut badi galti hai. Jaise aap sundar dikhne ke liye makeup kaistemaal karte ho same usi tarah video ko sundar dikhane ke lliye hum editing ka use karte hai. Video edit karne se aap apne viewers ko kuch bhi acche se samjha sakte ho. By the way aap youtube se bhi apne videos ko direct edit kar sakte ho. Agar aap youtube ke liye accha video banana chhte ho tohiss postko jarur padheKeep Good Video Length:Maan lo koi video 3 minutes ka ho sakta tha lekin kisi channel ne usey badha chadhakar 15 minutes ka kar diya toh kya aap usey dekhna pasand karoge ? I know aapka answer bhi no hoga kyuki har koi apna time aur data dono bachana chata hai sab chahte hai ki unhe acchi information short duration mein mil jaye. So kabhi yeh mat sochna ki video length badhane se views bhi badh jayenge. Humesha apne video ko average length mein banane ki koshish kare. Agar aap mera suggestion mano toh video length 3 minutes se lekar 7 minutes ke andar hona chahiye waise aap isse bade duration mein bhi upload kar sakte ho lekin jyada length wale video user experience ko bekarkar dete hai.
Last word.Youtube se laakho log jude huye hai isliye youtube ke nazar mein bada banane ke liye sabse pehle aapko acche videos banane padenge jiska tarika maine iss post mein aap sabhi ko bata diya hai. Ek baat ka humesha dhyan rakhe ki youtube search mein usi video ko top par rakhta hai jiska watch time jyada hota hai. So koshishkare ki log aapke video ko jyada se jyada time dekhe sirf kuch seconds dekhne se aapka watch time low ho jata hai aur aap first position tak nahi pahuch pate, i hope aapko yeh post jarur pasand aaya hoga so please share this post and thank you
No comments:
Post a Comment